[1571] DE LA VILLE DE PARIS. 369

CCCCLXXXIX [CLXXVI]. — [Délibération sur les lettres du Roi du 27 août. Nouvelle proposition pour trouver le surplus des 3oo,ooo livres.]

io septembre 1571. (A, fol. 2i3 v°; B, fol. 128 v°.)

Du lundy, dixiesme jour de Septembre mil v° soixante et unze.

En assemblée generalle le jourd'huy faicte, en la grand salle de l'Hostel de la Ville de Paris, de messieurs les Prevost des Marchans, Eschevins, Conseillers, Quarteniers et quatre notables bourgeois de chacun quartier, pour oyr la lecture de certaines lettres du Roy touchant le faict des 111^e m. livres, et sur ce donner adviz, parceque à l'assemblée faicte le jeudy, sixiesme jour du present moys de Septembre pour cest effect, ne fut faicte aulcune resolution, pour n'estre la compagnie en nombre suffisant f¹', sont comparuz :

Messieurs Marcel, Prevost des Marchans ; Bouquet, de Cressé, Leclerc et Lescalopier, Eschevins;

D'Athis, Le Lievre, Crocquet, de Palluau, Sanguyn, de Jumeauville, Poulin, Abelly, Sanguin(²', Le Prebstre, Conseillers;

President Dolu, Gayant, de Bryon, Dufour, Dolet, Hesselin, Devalles, Apvrillot, Thiersault, de Megrigny, Leclerc, Fromaget, de Villemontée;

Kerver, Paulmier, Parfaict, Bourlon, Guerrier, de Beausse, Maheut, Le Conte, Perrot, Huot;

Ladvocat, Legresle, Repichon, Desportes, De Martine, Broutesaulge, Montelon, Chappelle, Las-nyer, Millet Arnoul,Desprez, Jehan Musnier, Denis Albisse, Charlot, Milles Girard, de Pleurs, de Bourges, Mestral -³' et aultres.

Eu laquelle assemblée mond, sieur le Prevost des Marchans a faict entendre bien au long les causes et occasions d'icelle, et à ces fins faict lire, comme

à la precedente assemblée, les lettres du Roy du vingt septiesme Aoust dernier (⁴>, le calcul des seize roolles faictz par les seize quartiers pour lesd. 111^e mil livres, qui ont esté portez à icelle assemblée. Et le tout meurement consulté et deliberé;

A esté conclud, advisé et deliberé, oye sur ce la creance dudict sieur Boquet, Eschevin, que très humbles remonstrances seront faictes au Roy des grandes pertes et ruynes que ses très humbles et très obbeissans serviteurs et subjectz les bourgeois, manans et habitans de cestedicte Ville ont supportées et endurées, durant que les guerres ont eu cours en ce Royaulme, à l'occasion d'icelles et en consideration desquelles, implorer l'immense bonté de Sa Majesté, à ce qu'il luy plaise soy contanter de 11^e m. livres, lesquelz luy seront parfourniz. Et pour cest effect seront contrainctz, par toutes voyes et manieres deues et raisonnables portées par les commissions sur ce expediées, les cottisez ausd. 111^e m. livres, ayans biens et moyens pour ce faire.

Et ou cas toutesfois que Sad. Majesté ne s'en voulsist contanter, qu'il plaise à Sad, Majesté accorder et permectre à icelle Ville, après suffizantes diligences faictes contre lesd, cottisez, de povoir lever et recouvrer ce qui se deffauldra d'iceulx 111^e m. livres, par quelque imposition qui sera pour ce mise en icelle Ville, la moings dommageable qu'il sera possible, sans entrer à aucune revision de roolles ou correction de taxes, pour le desordre, longueur et confusion qui s'i trouverroient; et neantmoings que les roolles des fortiffications de ladicte Ville seront envoyez à Sad. Majesté, suivant sa volunté.

CCCCXC [CLXXVII]. — [Réponse du Roi TOUCHANT LADITE PROPOSITION.]

19 septembre 1571. (A, fol. 2i4 v°; B, fol. i3i r°.)

Dr par le Roy. «Très chers et bien amez, nous avons veu par voz lettres du unzeiesme de ce moys, l'assemblée que

vous avez faicte en vostre Hostel de Ville, sur ce que nous vous avions escript par noz deux ou trois dernieres depesches, affin de empruncter en voz noms,

(¹⁾ Le scribe distrait a encore ajouté ici la formule des lettres de convocation: etet que de ce n'y ayt faulte, attendu les grandz et importans affaires du Roy- (A et B).

⁽²⁾ Le nom de Sanguin est répété ainsi sur les deux Registres. I-» Var. -Mestrat» (B).

(»> Voir ci-dessus, n° CCCCLXXX, p. 363.

IlI PAMI K IU E KATrO^ALE.